Türkmençilik

Rehim ýok, şepagat ýok adama,
her näme et, ýaranmarsyň, ozaly
çekeräk dur doganyňdan, dostuňdan,
açgöz hany, KGB-ni, kazyny,
ýolda duran papaklyny goýaly,
goýaly serhetde duran garyby,
gümrükçini, salgytçyny, beýleki
emel ýeten agzy ýetse gemirjek,
bile okan, bolan bolan pikirdeş,
näme barmyş diýip paýlaşmaz ýaly,
ölmän galan türkmen-ä biz bäş sany,
gatnaşalyň diýip saçakly günde,
dil tansyny edip ýurduň içinde,
ýat illerde, aýralykda, sürgünde
gapyl basyp, urar bir gün arkaňdan,
belki, ýazgyt, maýyp borsuň, ölmersiň,
rehim ýok, şepagat ýok adama,
gynanarsyň, gülkiň tutar, gülmersiň.