Bolan iş

Gerek däldi görmek boljak, geljegi,
pygamberlik satyp öňünden, aýan
görnüp durdy barýan ugry milletiň,
emma aýtjak bolsaň, oglan-oglanjyk,
çaga ýaly gülýärdiler üstüňden,
a soňundan ylgap her kim nepine,
suwa düşüp agşam öýde gepine,
gybatyna özi ýaly oýnatgyň,
ýa aýaly, ýa adamsy, parhy nä,
ertir ýene işe gidýärdi olar,
bolan bolup hiç zat bolmadyk ýaly,
şeýle boldy, ýene şeýleräk bolar,
dyman iliň, dymjak iliň ykbaly.