Adam haky

Dulda telewizor ýalan sözlese,
il derdinden sowlup geçip her agşam,
radio, gazet, žurnallar ertir
gaýtalasa şol ýalany, adamlar,
bilip ýa-da bilmän, gülýärler oňa,
aglamaly güni barka milletiň,
bu bir adat, bolmaly zat mysaly,
ýa ýok ýaly edip boljak hiç bir iş,
meger, şeýdip beterleşýär ahwaly,
aýdýan, diýýän, düşündirýän gerek däl,
gerek diňe boş gürrüňler, warsaky,
iň esasy agyrmasyn kelleler,
soňra gülki bolýar adamyň haky.