Kazyly habar

KGB, diýýärler, kazyny tutdy,
iş jaýyna gelip, aldy-da gitdi,
emma açyk aýdylmaýar beýle zat,
(ýurduň ady öňem abat däl, bibat),
Alla, Alla, näme bolýar ülkede,
öz-özüne sorag berdi Aknabat,
öz-özüne sorag berdi Güljemal,
ýa-da indi kazy ynsaba gelip,
akyla sygmajak ýagdaýlar bolup,
bir dogry iş etdimikä ýalňyşyp,
sowuldymy ýodasyna kanunyň,
gyşardymy egri ýoldan hak ýola,
kagyzdaky adalata aldanyp,
ýa-da geçdi has güýçliniň çägine,
sorag kände, jogaby kyn döwletde,
zulum edýän düzüw bilen pägine.