Adam we heder

Adam barjak ýerlerine baransoň,
okap durmaz her bir ýazylan zady,
diňlemez ol eşidýänin hemişe,
ýöne görer, biler äheňin kişiň,
okar dadşan niýet, pälin adamyň,
gygyrsyn ýa gygyrmasyn aňyrky,
syzar içiňdäki öýke-kinäni,
göwni galan adamlaryň gaharyn,
gazabyny, ýigrenjini ýeňleniň,
bahyllygy görer, gizläp bilmersiň,
näçe itseň aşagyna ýorganyň,
bilmedik bor, dogry, içden garganyň,
ýa daşyňdan, eşitdirip, bildirip,
aýdyp durmaz bilenini, her niçik,
ýa görenin, syzanyny uzakdan,
garaşar ol oýunçynyň soňuna,
goý, oýnasyn diýer açyp kartyny,
hem çekiler ýuwaşjadan, başarsa,
gaýdyp golaý durmajak bor bigäne,
özüne ýat adam bilen bir ýerde,
adam barjak ýerlerine baransoň,
öňküsi dek busup, gezmez hederde.