Toba teşneligi

Ganhor, ili ýesir alan,
ýaraglary, jellady kän,
edenini edip bilýän,
geçirmeli bolsa bir gün,
başarmasa ýok etmegi,
boşatmaly bolsa nälaç,
pidasyny maýyp etmän,
neden toba isleýärkä
dik durandan şere garşy,
iň bolmanda ýalanjykdan,
gol çekmegin ýazylana,
ýa ýazmagyn aýdylanyn,
näme berýär toba oňa,
tüpeň diräp alnan kellä,
bilip durka garşydakyň
kimdigini, dänmejegin
tä ölýänçä öz ýolundan,
tesellimi öz-özüne,
ýa göwünlik il öňünde,
possunlylar gorkar ýaly,
ýalaňaçlar ýenjilende?