Ýalan sellesi

Bizden çekilen millet,
gaýgy edip ertirin,
çekilendir özünden,
belki, ogul-gyzyndan,
agtyk-çowluk, ýuwlukdan
çekilendir jemagat,
telpek geýen başyna,
ak gyňaçly un sepip,
demir gelse daşardan,
adam gerek däl bolsa,
ýa-da ilin goraýan,
gynanmaly, ýüregim,
goý, gynansyn, çekilen,
oýun edýän biz bilen,
özün utýan, bizi däl,
düşüner ol ahyry,
düşündirer bu durmuş,
düşündirdi kän ozal,
ýöne sapak almasa,
işletmese kellesin,
oýun etsin ýene kän,
geýip ýalan sellesin.