Näbelli ykbal

Bizi türmä basýan wagty ýuwdarha,
töhmet atyp, şyltak atyp, peseldip,
ýüzümize goýup ýüzsüz ýagyny,
öz-özüni iýýän içinden gädip,
bu bir şahsy meseledi, il işi,
millet işi däldi, ene-atamyz,
dogan-gardaş çekmelidi dagyny,
terror maşynynyň öňünde ýalňyz,
keseki, ýat daşdan garap, gyzykly
oýun ýa-da kino görýän mysaly,
garaşýardy soňy näme bor diýip,
bu, hamala, başga halkyň ykbaly.