Tohumlyk taýpa

O tohumlyk galjak ýigit,
bu tohumlyk galjak gözel,
boý-syraty gowy, tämiz
ýüzlerinde ýagtylyk kän,
gözlerinde giň okean,
senden gowy okan, belki,
ýa dil bilýär, gereklisin,
aksenti ýok, ene-ata
öwredipdir öňden görüp,
ýöne seniň ýaly turup,
aýdarly däl sözün olar,
şere garşy, il-ulusyň
arakasyny tutup, durup,
ýa sözi ýok ýüreginde,
ýa gözleri okean däl,
köl ýa guýy, gurap galan,
o tohumlyk, bu tohumlyk,
emel bolsa tapan, alan.