Seresaplyk sargydy
Krzysztof Kieślowskiniň äheňinde
Sen seresap ýaşa bilip,
bilmän näme edýäniňi,
daş-töwerek adam kileň,
aýdan sözüň, aýtmadygyň,
eden işiň, etmedigiň
bileňog-a kime näme
eder ýa-da etmez gelip,
arkasyndan, gapdalyndan,
ýa pete-pet, seresap bol,
belki güni, güzerany,
ýa saglygy seniň eden,
ýa etmedik işleriňe
bagly boljak adamlar bar,
sen seresap işle, adam
kä giň bolar, kä örän dar.