Halkyň haky
Bill Hiksiň äheňinde
Mesele däl puluň, çöregiň, suwuň,
ýa-da ýeriň ýetmezligi, azlygy,
ýa aýlykly, gowy işiň ýoklugy,
ýa parahor prokuror, kazylar,
žurnalist, ýazyjy, satylan kileň,
mesele siz bar barlygyň erkini,
ygtyýaryn berip bir topar aja,
doýmaz-dolmaz hajymelik elinde
goly bagly ýesir bolup galdyňyz,
belki, munda tötänlik ýok hiç hili,
laýyk haky, öz paýyňyz aldyňyz.