Akyldarlar we emeldarlar

Akyldarlar, akly ýetmän, ýa bilip,
başga çäre tapman, görmän golaýda,
bet işe baş goşan häkimi, hany,
ýa beýleki adamlary, azaşan,
gysgadygyn aýdyp möhletiň örän,
diýip soňra gynanmaly bolma kän,
ýa ýatladyp güýç, gudratyn Allanyň,
düşürmek isläpdir uçany ýere,
göterilen, çykan hyýal dagyndan,
ýatla diýip ahyretiň bolmanda,
ýagty berip gara gözüň agyndan,
çagyrypdyr olar begi mantyga,
ýetim-ýesir, naçar, garrylar barka,
nämä gerek köşk üstüne köşk gurmak,
halky talap, soňsuz hazyna urmak,
ertirki gün boljak haraba, baýguş,
ýa-da şagal, tilki tutunjak mesgen,
adamlar bolmasa, dogulmasa kän,
dogulanlar gitse iş gözläp, entäp,
okuw gözläp gitse zehinli çaga,
a soňundan gelmän, galsa ýat ilde,
näme bolar ýurda, diýmäge aga,
ýa ýaşuly, adam galmaz, az bolar...
Dagarman, ynanmaz Alla, adama,
ker bolar, kör bolar ýokarda olar.