Akyl meselesi

Sen önümi sowetleriň,
sowetden öň geçenleriň,
sowetden soň gelenleriň,
azda-kände, ondan mundan,
sen önümi ölenleriň,
sen önümi dirileriň,
galanlaryň yzda entäp,
ýykylanyň, galanlaryň,
yraň atyp duran entäk...

Sen önümi eneň, ataň,
dogan-gardaş, aga, iniň,
uýalaryň, ýegenleriň,
daýy-daýza, çykanlaryň,
dolananyň, goňşy-golam,
oba, şäher, tanyşlaryň
kärdeşleriň önümi sen,
önümi sen dost bolanyň,
duşmanlaryň önümi sen,
önümi sen bahyllaryň,
aslyşanyň özi bilmän,
gülki eden özün, belki,
sen bir ýurduň önümi däl,
önümi sen uly ülkäň,
uly dünýäň, aklyň ýetmez,
näme iri, näme külke?..