Terror ýesirligi

Bolşewik dur arkasynda doganyň,
KGB dur arkasynda ýegeniň,
kellesine diräp kelte tüpeňin,
dost-ýarlaryň, tanyş-biliş, nätanyş,
düşünýärsiň, nädip geçirýär günün,
eger gelse, ýa çagyrsa hökümet,
nämeleri diýmez özüne garşy,
ýa dogana, garyndaşa, dost-ýara,
adam ogly, satyn alyp başyny,
gaçjak bolar, galjak bolar sag-aman,
trawmadan bogaz bolup aşyny,
gara suwun gazanjak bor her zaman,
bu bu günki, düýn başlanan gürrüň däl,
terror otyr ýüreginde milletiň,
ýogsa beýle ownamazdy niýet, päl.