Azatlyk ýodasy

Gulçulykdan gutulmak ýok adama,
puluň guly, guluň guly, neresse,
zerurlygyň guly bolar hemişe,
aýtjak sözün oýlanmaly ýüz gezek,
ýaranmaly ýagşy, ýaman, müň kişä,
iň erbedi sylamaly iň beter,
gara güýçden mydam etmeli heder,
ýöne goşgy, ynanypdyr şahyrlar,
nakyl, akyl, ertekiler, dessanlar,
gara gowaklardan, adamy saklan,
çykmak üçin ýodamyşyn azda-kän,
ýöremeli günde öňe azajyk,
galmak üçin ýitmän, ýolda azaşyp.