Gülüp geçseň

Durmuş günde goşgy berýär,
gazal berýär goşa-goşa,
kerwen gurar pikir-oýuň,
näme gelip, geçmez başa?

Ýola çyksaň, diňe öňe
seretseň-de akly-gara,
gyzyl, sary maşynlara,
birden biri öňüň keser,
baş ýaýkarsyň, hekaýasy,
kyssasy bar bendäň, belki,
kimi ýöne goýar heser,
kimi eder elki-selki,
twitter däl, çyksaň şäher,
oba durşy bilen eser,
agyr baryn ýazjak bolsaň,
gülüp geçseň, borsuň ýeser.