Bahyl adam

Bilmedik bol, gülmedik bol,
gyrylsa-da içiň, bagryň,
bahyl adam bagyşlamaz,
derdi agyr, düşün, oňa
berilmedik giňlik saňa
berlen bolsa, şükür et-de,
goý, götersin, alan bolsa,
öz ýüküne gelsin hötde,
öçli bor ol, gaharly bor,
mydam içi doly, gabyz,
bilmedik bol, gülmedik bol,
gürrüň etme hiç zat hakda,
ýa ýylgyrma başga zada,
baý bolsa-da ýaşap bilmez,
garyp bolar bahyl adam.