Adam howpy

Suwam ýarag emel ýeten elinde,
ýerem ýarag, ata-baba, aňyrdan,
goşun çekip, bir-biregi parçalap,
okap, bilip, çykman ardan, gahardan,
nirelerden nirelere geldik biz,
ýa nirede, nädip yza galdyk biz,
ýollar ýarag, ýarag bolýar ýolsuzlyk,
kanun ýarag ezijiniň elinde,
çagalaryň ýarag, ýarag maşgalaň,
ulanarlar seniň özüňe garşy,
goşulyp, gul bolup, eliň ýaragly,
ýa ýaragsyz hyzmat etmeli şere,
ýogsa dünýä, iki günlük dowzah bor,
howa ýarag, gabasalar dar ýere,
aýagyňy uzyn salyp ölmersiň,
adam ýarag bolsa durşuna gaçyp,
kimden, nirde bukuljajgyň bilmersiň.

Bölüme soňky goşulanlar


Sahypadan alnan eserler ýa-da pikirler haýsydyr bir görnüşde metbugatda ulanylanda "annagurban.coma" salgylanmak hökmanydyr.

Any views or opinions expressed on this site belong to an individual and do not necessarily coincide with those of the organization he works for.


annagurban.com copyright © 2006-2024