Kebelek tymsaly

Kebelegi kowalama, owadan,
üýtgeşigin tutjak, saklajak bolup,
tutdurmaz ol, ýa-da tutsaň gutular,
diri bolsa gaçar salan ýeriňden,
ýöne bag-bakjaňa seretseň gowy,
gül ekseň, suwarsaň säherler turup,
kebelekler geler sürlenip, üýşüp,
diýipdirler özüň beze içiňden,
köpeltjek bol bolsa akyl, üşügiň,
mesele däl seniň isleýän zadyň,
mesele sen, kim ýa näme seretseň,
görseň diňe jaýyn, maşynyny däl,
kebelegi kowalama, oglan dek,
o kebelek içiňdäki niýet, päl.