Tobasyz millet

Birisi ýazypdyr, gülüp ýa aglap,
hatda wikingler, urup-çapanda,
baran ýerin talap, ýykyp-ýumuryp,
ýakyp, otlap, ýok etmändir bar zady,
goýupdyrlar azda, kände, talanan
gurar ýaly durmuşyny täzeden,
ölmez ýaly açlygyndan, üçeksiz,
gowy görüp däl, elbetde, soňundan
ýene gelip talar ýaly mallaryn,
biziňkiler, hökümete daýanyp,
galar ýaly etmeýärler ýerinden,
ýykylany bergä, borja batyryp,
aýyrýarlar akylyndan, huşundan,
meger, şondan öýün, ojagyn taşlap,
çagalaryn taşlap gaçýar adamlar,
belki, soňra alyp giderin diýip,
ýat illere, ozal talaňçy bolan,
basyp alan ýeten ýerin, satylan,
köşk şahyry näme diýse-de yzdan,
dat, KGB, gelmejekmi toba sen,
ýa bar ili, ady ýaman, gowy däl,
gapgarjakmy ilerdäki oba sen?