Ilkinji wezipe

Eger-de sen bolmaz, başartmaz diýseň,
başarmarsyň hiç bir işi dünýede,
garaşarsyň başgalara göz dikip,
bir ýerlerden gelip, döräp döw bolup,
gara daşy aýyrjaga ýoluňdan,
ýöne gelen bolmaz, ýa-da gelenler,
öz alyna salar tutup goluňdan,
Lenin babam diýip ulalar çagaň,
bilmez ele ýarag alyp göreşen,
erki üçin başyn goýan ärleri,
aýallary, ýüz Leninden ýürekli,
müň Leninden gowy adam, tanasaň,
eger-de sen bolmaz, başartmaz diýseň,
bolmaz, galar gara daşlar ýoluňda,
gara ýürek adamlara ogşaýan,
öldür ilki içiňdäki namardy,
gara görmän galpyldaýan, gagşaýan.