Esasy kemçilik
Bertolt Brehtden erkin terjime
Zalym, seniň tankyň bardyr,
ol basgylap biler halky,
erkek, aýal, çagalary,
hakyn sorap çyksa, dursa,
ýöne onuň bir kemi bar:
ýöreýär ol adam sürse.
Zalym, seniň uçaryň bar,
bombalaýjy, iň güýçlüsi,
hem çalasyn, näçe bolsa
seçip biler ölüm gökden,
ýöne onuň saz bolmagy
ussalara bagly ökde.
Zalym, adam gowy mahluk,
uçup bilýär demir atly,
bilýär gowy öldürmegi,
ýöne onuň bir kemi bar:
pikirlenip bilýär käte,
mydam diýmez lepbeý, däde!