Türkmen çukury

Boş adama wagt ýitirme,
ýitiren dek altyn tagtyň,
bilmejege bahasyn hiç,
goşgy, gazal okap berme,
diýip soňra bolmasyn giç,
hatda salam berme durup,
boş gürrüňe başyň urup,
uran ýaly daş diwara,
seňseletme özüňi sen,
çyk çurukdan, kim gazsa-da,
dözüp çaga-çugasyna,
seni saklap ýoldan, bolsa,
özi ýaly etjek, itjek
has aşaga elden gelse,
kändir ilde boşuň-boşy,
boş gykylyk ähli goşy,
çukuryny özüne goý,
özüne goý merdiwanyn,
boş adama wagt ýitirme,
bile-göre ýakma janyň.