Eger ölmedik bolsa...

Sen hiç kimiň ejesine,
bajysyna sögmersiň,
bir diýeniň söz azat,
erkin bolsun metbugat,
kanun bolsun, işlesin,
berim, peşgeş bolmasyn,
satylmasyn ýurt maly,
ogurlanyp çagadan,
garrylardan, naçardan,
neşe paýlap ýerine,
arak, çilim getirip,
yzdan gelýän nesilleri
bilmesinler ýitirip...

Emma olar birleşip,
gürleşmän ýa gürleşip,
ýa seredip gapdaldan,
seslerini çykarman,
käsi durup ýüzüňe,
töhmet atyp, buýrulsa,
duzak gurup öňüňde,
gaçsaň gargap yzyňdan,
naçar eneň, ataňy
öldürerler hary-zar,
dönük dakyp adyňa,
haýyn dakyp adyňa,
eger ölmedik bolsa,
Alla ýetsin dadyňa!