Ýurt salamy

Sen eneňe ýat bolmasaň,
sen ataňa ýat bolmasaň,
ýat bolmasaň iliňe sen,
ýat bolmarsyň ýurduňa-da,
guwanarsyň gowy bolsa,
gynanarsyň agyr günde,
ýat bolmarsyň özüňe sen,
oýun eden bolmarsyň hiç
özüň bilen, özge bilen,
oýun edýän kän-le diýip,
oýun diýip dünýä, pany
geçer diýip menden-de ol,
iýeýin we içeýin, bes,
guçaýyn we geçeýin mes
diýmersiň sen eger-eger,
unutmarsyň nämedigiň,
azaşmarsyň özüňden-de,
hanjar urjak ýüregiňe
tapylsa-da her ýerde kän,
ýigrenmersiň özüňi sen,
ýigrenmersiň halkyňy sen,
göreşersiň adam üçin,
taşlamarsyň galamyň sen,
her gün irden ýurduň ýatlap,
pyşyrdarsyň salamyň sen.