Il oňlasa...

Sen özüňi gorama,
ur tersine, döwletiň
uranlary az ýaly,
kemsit, öldür diliňe
gelen sözi ulanyp,
bagtly bolsun diktator,
bagtly bolsun aýaly,
ogly, gyzy, agtygy,
sen özüňi gorama,
çagalaryň, eneň, ataň
näme bolsa, şol bolsun,
çek ýüzüňe garany,
Alla bardyr diýen bol,
hiç gysganma parany,
karz alyp ber sorana,
nälet oka, buýrulsa,
öz hakyny gorana,
belki, jennet garaşýar,
ýaşaýyşy soňa goý,
aç, hor ýaşa ölýänçäň,
il oňlasa, özüň soý!