Ýazylmadyk kanun

Seni tutsa, günäli ýa günäsiz,
aýyplasa aýyp bolan özleri,
töhmet bolan, ile musallat bolan,
ady kazy, prokuror, daýylar,
garyp halky ezijiniň diregi,
ýok, kanuny bozmadym men diýme sen,
goluňy çek näme ýazsa sülçüler,
soň gaýtala kameranyň öňünde,
garala özüňi, ýazgar özüňi,
nälet oka ata-babaň adyna,
sat diýseler, at diýseler töhmeti,
gitsin, tabşyr ady düşen ýadyňa,
ertir beýlekini tutdurar ýaly,
millet gördi görmedigin hiç haçan,
türmä dykyp erkegini, aýaly...