Dymanyň sesi
Martin Luther Kiňiň äheňinde
Seni urýan wagty döwlet,
öldürýärkä janyň alman,
urýan wagty çagalaryň,
urýan wagty eneň, ataň,
doglanlaryň, taýak salman,
dyman halkyň, il-ulusyň
sesi galar gulagyňda,
tä ölýänçäň unutmarsyň
aýak sesin gaçanlaryň,
özün açman açanlaryň,
unutmarsyň iki-ýeke,
ýolda duşup gülenleri,
soň har bolup ölenleri,
'beýtmedä-row, akyll-a sen
olardan kän, kärdeş!' diýip,
goý, saz çalsyn ýagyş näçe,
bilmez dyman sesin iýip...