Igor Talkowdan erkin terjime

Siz maňa görkeziň zalym ezijiň
öwlüp, arşa çykarylýan ülkesin,
öz-özüne garşy goýlan milletiň
agysyn däl, ýer sarsdyrýan gülküsin,
ýeňlişini baýram edýän beslenip,
görkeziň siz şeýle ýurdy, bir adam
tapylmaýan aldanmadyk gözleseň,
yza gitmek öňe gitmek saýylýan,
hem tersine,
ýer sermemäň, Ýer şaryn
togalamaň, tapmarsyňyz hiç ýerden
beýle ýurdy, barha essi aýylýan,
ejir çekýän ýaşamagyň ýerine,
sebäbi bu ýaşaýyş däl, jerime.