Açgözlük derdi

Ýa açgözlük ýalmap, ýuwdup milleti,
il-ulusy doly ýegsan etmeli,
ýa-da millet boýun alyp keselin,
iň döwrebap hassahana gitmeli,
gözlemeli dermanyny, melhemin,
gizlän bolman, derdin aýdyp aç-açan,
doga alyp biznesmenden, selleli,
ýok bu dertden aman galmak, ýa gaçan,
gutulmak ýoluny saýlan köpeler,
yzda galan iýer biri-birini,
il armanly, gözi açyk, köp öler.