Seredip ýaşaýan

Seredip duranyň gürrüňi mydam
edilipdir, edilmeli ýene-de,
olar on däl, ýigrimi däl, müňlerçe,
bir ýurtda kän, beýleki-de onça däl,
ýöne näçe gürrüň etseň, seredýän
şonça daşda ýa-da aşakda oturar,
çekiler ol, busar, örter ýüzüni,
görünmejek bolar, bolar seresap,
belki, diňlemesin goýar ýakymsyz,
gije gelip gujaklajak gepleri,
uklatmajak käte daňdana çenli,
seredip ýaşaýan, samsyk, akylly,
gowy ýaşar, güler dünýä, adama,
aklap bilse, aldap bilse özüni,
ýa-da alga alman bilse başganyň,
bilip ýa-da bilmän aýdan sözüni.