Göýdük taktikasy

Näçe göýdük boldugyça adamyň,
gahary-da, kinesi-de täsin bor,
kelte bolar gürrüňleri, gybaty,
o birine, öňki ýetim, soňky şa,
garşy durup, ýok diýeniň hasap däl,
meniň üçin eýerle-de ak aty,
belki, heniz dogulmadyk, ýok aty,
aýagyma basgançak bol münemde,
soň düşemde, jylawyn tut diýer ol,
ýogsa atjak töhmetlerim has beter,
öňki-soňkyň çeni bolmaz, iýer ol,
ýüregiňi tutup, ýykylar ýaly,
küşgürerin arly halky, elinden
obasyn däl, şäherin däl, ýurduny,
gelejegin ogurladan, aldyran,
näçe göýdük boldugyça adamyň
öwrümi ýok, aýlawy ýok, gönümel,
ýüzün açyp, gaçyrjak bor badyňy.