Hehe-he bazary

Halka hemme ýerde güýmeýän gerek,
gülki gerek bolar-bolmaz, ýasama,
ýa gahryman, göwni çökenler üçin,
atarman, çaparman, batyrman gama,
urup-ýarýan şer şalygyn her ýerde,
ol bar ýurtda, ähli ýerde bir meňzeş,
düşünmedik bolar il diýen merde,
ýeke çykyp, başyn goýsa göreşde,
ýa düşünip, gaçar uzaga, daşa,
gazan bor ol, garasyndan gorkulan,
ýaman bor ol, ýarasyndan gorkulan,
ýa toslarlar toslamalar tomlugyn,
özün aklamasa bolarmy asy,
her kim aşak çeker özüne çenli,
halka hemme ýerde güýmenje gerek,
güýme ony duýman özüňi müýnli,
düşündirjek bolma düşünýän zadyn,
düşünmedik bolsa, geregi ýokdur,
ýa-da onuň ýagdaýy ýok bu işe,
halka hemme ýerde hehe-he gerek,
ýany bilen arzan arakly çüýşe.