Türme şasy

Türme eden tutuş ýurdy,
diwar gurup öz daşynda,
ýaşamaly bolar tussag,
günäsini bilýändir ol,
bilýändir ol eden işin,
köşk gurunar, gurar şäher,
ogurlamak üçin ýene,
gaçmak üçin öz-özünden,
gaçmak üçin il-gününden,
emma bolmaz rahaty,
gorky, güman artar diňe,
görjek bolsaň seret siňe,
ýadap ýatsa, gara basyp,
daňdan turar dönüp güňe,
bilip bilmez nire, haçan,
gözlär, kim ol urup gaçan,
soň galpyldap, ukalp bilmän,
ýesiri bor içden guçan,
gara dowluň, baş oýnaşy,
ünji alar için, daşyn,
ilin çapan şa, soltanlar,
güzap eder ýaşan ýaşyn.