Taryh dersi
Ogry-jümriň, açgözleriň, kämahal,
iň ýokaryk çykan, kanun çykaran,
doýmaz-dolmaz garynlary, gözleri,
ezileniň gözün açýar, doga kör,
sokur gözli görýär näme bolýanyn,
goý, ogrular halyf diýsin özüne,
ýa-da diýsin Allaň wekili ýerde,
goja dünýä kän görendir, bilýändir
ýykylanyň bir gün ýerden galýanyn,
hem alýanyn talaňçydan hakyny,
artyk, uzak gorap saklar zalymy,
wagty gelse ne ýat, ne-de ýakyny.