Täsin erkeklik

Käsi edil 25-de, 30-da,
ýa kyrkynda, akly ýetip durmuşyň
oýun däl-de, çyndygyna azajyk,
ölýär olar, erkek bolmak ýerine,
çöp-çalama urup ýaşaýar soňra,
tilkilenip, aýdyşy dek Pyragyň,
belki, ady gurtmy, arslan, öjalan,
gömülýänçä 60-ynda, ýetmişde,
käýsi ýetýär 80, 85-ine,
ýöne olar gowy görýär iýmegi,
içmegi, çekmegi, guçmagy, bolsa,
maşyn bolsa münjek, sürjek gatyja,
men-men diýip gürrüň etjek diňlese,
adam etse, gujagy giň Hatyja.