Hyýar ekseň

Sapalak at hakykatdan,
saga sowul, sola sowul,
el çarpan bol, gerek bolsa,
başyňy at, üzülýänçä,
telpegiň geý, donuň büren,
hökümete garşy çykma,
ýowara çyk, çärä gatna,
ýatma diýse, gije ýatma,
oka, ýat tut kitaplaryn,
baş ýazyjyň, özüň bilýäň,
başga möhüm ýazyjy ýok,
ýogsa belli, ýollar hatar,
başga gabyr gazyjy ýok.

Sapalak at hakykatdan,
ýöne biri aýdypdyr öň,
okapdym men ýaş wagtymda,
ynanýaryn oňa şindem,
gutularsyň gaçsaň ondan,
ýöne ara açmaklygyň,
hakykatdan gaçmaklygyň
netijesi sypdyrmaýar,
hyýar ekseň, iýýäň hyýar.