Ýigrenç hassasy

Seret, adam o birlerin, bu birin,
çydap bilmän, gazap bilen ýigrense,
ile-güne eden zyýany üçin,
kasty üçin ýurda, bile işleşen
adamlaryn ýeke-ýeke ýok eden,
ýok bolýança özi ahyr elinden
öz döreden adamynyň, ulgamyň
uly suratyny görmek islemän,
üstesine onuň ýigrenen zadyn,
çekip-çydap bilmedigin çekmese,
ýagny başgalaryň hukugyn söze,
inkär etse sözünde däl, işinde,
ýa çyn söze çydap bilmän, ejizläp,
eşek bilen eşek bolup depişse,
arasynda gapyp geçip barýany,
maýyn tapyp, şyltak bilen öpüşse,
ýigrense, belki-de, pikiri başga,
sözi başga adamlaryň ählisin,
tapawudy bolmaz eziji handan,
ölen ýa-da heniz ölüp bilmedik,
bu açyk syr, başga birin ýigrenip,
hassa bolar öz kemine gülmedik.