Şahsy mesele

Bu mesele bir seniňki, şahsy däl,
bu kynçylyk bir onuňky, şahsy däl,
meniňki däl, ýazsam, ýansam, ýalňyşma,
okamadyk bolup, görmedik bolup,
düşünmedik bolup aýdýan zadyma,
bu mesele degýär bütin adama,
bir ýurda däl, degýär älem-jahana,
dogry sözler ýitip gitmeýär ýöne,
gowy niýet, wagtyn bilip aýdylan,
ýigrenç sözi ýitip gitmeýär ýöne,
menzil bolup ýetilmedik, gaýdylan,
aýdyp ýörme näme gelse dahana,
soňky döwür ýakasyny tanadan,
derejesin açan milletiň, belki,
kemsidiji, agyr sözlerden saklan,
saklan ulus-ili aşaga salýan,
ýykýan gara, agyrdyjy äheňden,
bölýän gepden saklan adam ogluny,
bas aşaga men-menligi kalbyňda,
gižželeme, ulanaryn dowluny,
kyn ýagdaýyn diýip adamyň, Alla,
ýüregiňe geňeş, özüň galjakmy,
o birin, bu birin çukura sallap?..