Ruhnama nesli

Ruhnama nesli ýetişdi, geldi,
olar ýurdy goramazlar ýagydan,
ne içerki, ne daşarky, belki-de,
ilkinjiler hatarynda ýalançyň,
ikiýüzliň, ýylgyrýanyň ýalandan,
indi Sapar, Gurbansoltan gerek däl,
süri-süri her obada, şäherde
hakykata garşy durjak 'hoş' diýip,
sadakaçy, täze donly adamlar,
öwýär olar ýalan hakyny iýip,
gorany däl, ezenleri ymmatyn,
ozal bardy azda-kände, indi ýok
biljek boljak dogry sözüň gymmatyn.