Metjit oýny

Ýene täze metjit gapysyn açdy,
ýene hudaýsyzlar hudaýly oýnun,
ýene imansyzlar imanly oýnun,
ýene sahawatsyz sahawat oýnun,
donsuzlar don oýnun oýnap öwündi,
ýogsa olar bilýär, Alla daş keşbe,
egniňdäki lybasyňa bakmaýar,
bakmaýar ol diliňdäki boş söze,
ýa manysyn hiç bilmejek dogaňa,
ýüregiňe bakýar, eger kitapda,
hadyslarda aýdylýany çyn bolsa,
ýa-da kitap, o birinde bolşy dek,
oýunjakmy gözbagçynyň elinde,
diýmän, belki, goraweri, Ýaradan,
sen özüňi goramaly ýelinden,
ýagmyryndan, garaşmaýar tebigat,
bu bir oýun, ynan eger isleseň,
ýöne eşek eşek bolar, bolmaz at.