Adam baýdak bolanda

Iň edermen, iň güýçlüler galmazlar,
galmaz hatda iň akylly, paýhasly,
alyp gider zamananyň ýelleri,
tüweleýler peşmek ýaly göterip,
mal ýygnany, pul ýygnany sylamaz,
ýöne galar her başlyga ýaraýan,
her döwürde özün tapýan çeýeler,
adam diňe saýgarmaly şemalyň
ösýän ýerin, ösjek ýerin öňünden,
kime metjit, kime meýhana gerek,
ýöne möhüm haçan geçip deňinden,
haçan haýsysyna barmaly ylgap,
bilmeli ol, düşünmeli ýagdaýa,
ýaşamaly bolsa baýdak dek galgap...