Ezijiniň hyzmaty

Kän ezilen, kemsidilen,
basgylanan il ölmese,
baky dursa puluň mesi,
ezilenler egbar düşüp,
gutarmasa yzy, nesil,
çörek nobatynda gyrlyp,
ýa-da maýyp bolup göwni,
bolmasalar göýdük, öwnüp,
gul bolsalar, şa ogly dek,
içip, çekip tapanyna,
ezijiniň sapaklary,
şarpyklary ýüze degen,
taýýar eder bir gün hökman,
ýok, birden däl, ýuwaş-ýuwaş,
ezijini tanajagy,
saýgarjagy sagyn, solun,
hem biljegi ezijiniň
ili bölüp, edýän zadyn,
soň eziji, Alla tapsa,
aýdyp biler halyn, dadyn.