Gülki

Öňe çykan adam bolsaň, agramyň
agramyna görä barlajak kändir,
biri söger ejeň, bajyňy goýman,
beýlekisi şyltak atar özüçe,
adam bolsa, bolmaz diýme hyýaly,
töhmet atar uzak, agyr oýlanman,
o dünýe, bu dünýe aklanmaz ýaly,
gybat eder, çöp-çalama bulajak,
biri öwer, ýüzüň gyzar diňleseň,
arasynda köwüp aýagyň astyn,
oýny kändir, saýma asgyny asgyn.

Öňe çykan adam bolsaň, agramyň
kesgitlejek kändir kowalap, gaçyp,
ýapylmaly borsuň kä bolsaň açyk,
öwrenersiň ýylgyrmagy ýalandan,
gowulara hudaýýolyň, ýürekden,
gowy däle sowuklygyň ýylandan,
bu durmuşyň sapagydyr, bişirseň,
duşman öler, çakmak däldir mesele,
iň esasy özüň sakla parahat,
berme eliň her öňýeten kesele,
hassalara, adam bolsa, boljak kän,
öňe çykan adam bolsaň, ägä bol,
göwni galar, ýylgyr, gül mydam gülkä.