London köprüsinde düşürilen surat

Suratyny paýlaşypdyr birisi,
bir erkegiň, bökjek bolan köprüden,
meslikden däl, belki, ýer uran garyp,
başga, ýatlar tarapyndan Londonda,
saklanyşyn elde-aýak, ýalbaryp...

Tanyş-biliş, garyndaş däl, kärdeş däl,
meger, ony alyp gelen bu ýere,
ýat, keseki, aladasy, aýgydy,
mähir-muhabbeti ölmedik şindi,
özi ýaly, emma ýeňlen adama,
alyp galýar beýlekini ajaldan,
tutup, saklap ahyr gelýänçä kömek,
gitme diýip bizar bolup, çydaman,
bu bir surat, biziň gelen ýerimiz,
hala gowy, hala pikir et ýaman.