Bu durmuş

Bu durmuşda olar näçe
isleseler ýaşar şonça,
bu güzapda olar näçe
çydasalar ýaşar şonça,
emma biri çydamasa,
soň ikisi çydamasa,
soň çydaman üçünjisi
tursa ýerden gazap bilen,
aýtsa gepin, diýse sözün,
o birisi ýumsa gözün,
beýlekisi ýumsa gözün,
gulagyny dyksa köplük,
ýa birisi eýläk çekse,
beýlekisi beýläk çekse,
onuň, munuň aýdan gepin,
diňlemese biri-birin,
ýa-da diňläp, iň gowynyň
bileleşip gazsa görün,
bilmen, näçe dowam eder,
bolmaz, belki, soňun gören.