Edenli halk

Üstünden gum guýýan halky,
çuwal bilen, Garagumdan,
ýa kellesin sokýan çägä,
eliňdäki galam bilen
gazyp alyp bilmersiň sen,
çykarmarsyň çägelikden,
özi baryp, batsa iliň,
eşekli ýa düýeli däl,
atly-da däl, has edenli,
ata-baba düýşe girmez,
"Jeep cherokee" menen kileň,
ýa başga bir güýçli ulag,
çümýän halky öz-özüniň
boşlugyna, hoşlugyna,
çykarmarsyň goşgy bilen,
okamaz ol, diňlemez ol,
galar ýalan yşgy bilen