Il islegi

Sen milletiň bileňokmy islegin,
arzuwlaryn, uly, kiçi, aralyk,
ol isleýär gürleşmegi adam dek,
için döküp, diňläp birek-biregi,
egismegi aladasyn, gaýgysyn,
gypjyn-gypjyn ýaşamakdan ýadady,
ýadady ol açlygyndan döwletiň,
paýlaşasy gelýär begenjin soňsuz,
bölüşesi gelýär guwanjyn soňsuz,
bileňokmy iliň isleýän zadyn,
içinde, daşynda, uzakda ýaşap,
hasratyny, gaýgysyny, çekilmez,
çekişmegiň islýär ol azda-kän,
unutmak islýär agyr geçmişi,
agyran ýerlerin, ynjan ýerlerin
ýatdan çykar ýaly etmeli iliň,
em bermeli, melhem boljak günlerin,
sagatlaryn köpeltmeli ýyl-ýyldan,
beter etmän görgüsini öňküden,
bileňokmy iliň arzuwyn, oglan,
ol ýene-de birleriniň golundan,
goltugyndan götermegin isleýär,
isleýär ol gülüşmegi, agydan,
aýralykdan aryp, ýadap çen-çaksyz,
bileňokmy oňa näme geregin,
mätäçligin göreňokmy milletiň,
gözüň ýokmy, ýa öldümi ýüregiň?