Intellektual

“Mert özünden görer – diýdiler oňa,
- Namart görermişin ýoldaşdan diňe.”
Ol özünden gördi ýeke galanyn,
Ýöne süýşjek boldy barybir öňe.

“Özüni aklamaz bigünä bolan,
Päk bolsaň, aklama – diýdiler – özüň!”
Ol dymdy, dişini gysdy, çydady,
Şeýdip böwet basdy öňüne sözüň.

“Özüni öweniň tanapy çüýrük”,
Diýdiler: “Sanaşma samsyklar bilen!”
Ol içden örtendi, daşdan ýylgyrdy,
Sebäbi aglandan gowumyş gülen...