Adam bolmak meselesi
Jorj Orweliň äheňinde
Adam diňe bir ýagdaýda kämil bor,
salyhatly, aň-düşünje aýnasy,
ýitirmeýän hakyň beren sypatyn,
ýan bermeýän gaharyna, gazaba,
ýigrenjine, bahyllyga, baslygyp,
utançdan başyny basyryp ýatan,
gara nebse garşy durýan gaýratyn
diňe bir ýagdaýda saklar başbütin,
aýak asty etmän, diňe özi däl,
beýleki adamlar, biraz okuwsyz,
ýa-da okan, ýöne diplom almadyk,
elleri ýaragly gorasa watan,
üstesine ýol gursalar, ýap gazyp,
suw getirip, ekin ekip, mal bakyp,
bolçulygy döretseler sowulmaz,
ýa gaz, nebit çykarsalar satmaga,
adam diňe bir ýagdaýda 'beýik' bor,
beýlekiler düşek bolsa ýatmaga.